Кірыл Азімка

Я часта цябе падвозіў

Ваша адзнака: Нет (6 галасы)

Я часта цябе падвозіў
I цалаваў у вочы.
Стаялі асеннія дні і
Ночы.

Ноччу ты мне шаптала,
Што гэтак заўсёды будзе.
Зайздросцілі нам нямала
Людзі.

Аднойчы ты мне сказала,
Што бачыла недзе сяброўка,
Як іншая пацалавала
Вусны мае,
Чартоўка.

Я моўчкі стаяў і слухаў
Не адказаў нічога.
А потым я развярнуўся,
Паехаў сваёй
Дарогай.

На твары тваім слёзы,
У каве маёй промні.