Алеся
Даўно гэта песня пяецца,
Што некалі тут, на Палессі,
Дзе гэта гаворка вядзецца,
Жыла прыгажуня Алеся.
Каханне прыйшло нечакана.
І кветкай лясной красавала,
Чакала яго на ўзлессі
Дзяўчына красуня — Алеся.
Якія лагодныя росы,
Не холадна ножанькам босым
Прайсціся з каханым па лесе
Прыгожай дзяўчыне Алесі.
Гарэла, як свечка, ў той вечар,
Не будзе ў іх болей сустрэчы.
Рашыла сама: ён — не пара,
І, гнаная лёсам, прапала.
Рабіна ў чырвоных каралях
Стаіць адзінока без пары,
Як тая дзяўчына красуня,
Якую Алесяю звалі.
Сумуе рабіна на ўзлессі.
Шуміць між галінамі вецер,
Здаецца каханы гукае:
“Вярніся, вярніся, Алеся!”
2008г